మార్పునకు నాంది :పవన్‌ కల్యాణ్‌

కర్నూలు: ఈ ఎన్నికలు కచ్చితంగా మార్పునకు నాంది పలుకుతాయని జనసేన అధ్యక్షుడు పవన్‌ కల్యాణ్‌ అభిప్రాయపడ్డారు. కర్నూలు పర్యటనలో భాగంగా ఎస్పీవై రెడ్డి కుటుంబాన్ని పరామర్శించిన అనంతరం పవన్‌ అమరావతి బయలుదేరుతూ మీడియాతో మాట్లాడారు. ఎన్నికల్లో ఈవీఎంల వాడకం నేపథ్యంలో ఫలితాల సమయంలో లెక్కించే వీవీప్యాట్‌ స్లిప్పుల సంఖ్యను పెంచాలనే తాము కూడా కోరుకుంటున్నామని అన్నారు. ఈ స్లిప్పులు ఎంత శాతం లెక్కించాలనే అంశాలను నిపుణులు చర్చించి నిర్ణయం తీసుకోవాలని సూచించారు. ఈ ఎన్నికల్లో తన పార్టీ ఎన్ని సీట్లు సాధిస్తుంది.. పవన్‌ పోటీ చేసిన రెండు నియోజకవర్గాల్లో ఆయనకు ఎంత మెజారిటీ వస్తుందనే అంశాలపై మాట్లాడబోనని స్పష్టం చేశారు.

Leave a Reply

Your email address will not be published. Required fields are marked *