ఏపీ క్యాబినెట్ మరోసారి వాయిదా?

ఏపీ క్యాబినెట్ భేటీ మరోసారి వాయిదా పడే అవకాశం ఉన్నట్లుగా తెలుస్తుంది. ముందుగా ఈనెల 10 న క్యాబినెట్ భేటీ జరపాలనుకున్నారు. కానీ టెక్నీకల్ సమస్యల వలన ఈనెల 14కి వాయిదా వేశారు. క్యాబినెట్ భేటీ నిర్వహించాలని భావించిన ప్రభుత్వం సిఎస్ కు నోట్ పంపించగా సిఎస్ ఎజెండాలో పేర్కొన్న అంశాలను ఆయాశాఖల ప్రధాన కార్యదర్శుల నుండి వివరణ కోరారు. ఎజెండాలోని అంశాలపై నిబంధనలను రూపొందించి స్క్రీనింగ్ కమిటీ ఖరారు చేసి ఏపీ సీఈఓ గోపాలకృష్ణ ద్వివేది కేంద్ర ఎన్నికల ప్రధానాధికారికి పంపించారు. ఎజెండాకు సీఈసీ నుండి సోమవారం సాయంత్రానికి స్పష్టత వచ్చే అవకాశం ఉందని చెప్తున్నారు. రేపు ఆదివారం ఆరవ దశ సార్వత్రిక ఎన్నికలు హడావుడి ఉండగా ఎల్లుండి సోమవారమే క్యాబినెట్ అంశాన్ని పరిశీలించనున్నారు. అంటే సోమవారం సాయంత్రం క్యాబినెట్ పై స్పష్టత వస్తే మరుసటి రోజు క్యాబినెట్ సమావేశానికి మంత్రులను, అధికారులను పరుగులు పెట్టించడం సాధ్యమయ్యే అవకాశం కనిపించడంలేదని ప్రభుత్వంలో కొందరు నుండి వినిపిస్తున్న మాట. మరి సోమవారమే క్యాబినెట్ ఉంటుందా? అన్నది చూడాల్సి ఉంది.

Leave a Reply

Your email address will not be published. Required fields are marked *