కరోనా ప్రభావం తో సుప్రసిద్ద పుణ్యక్షేత్రమైన తిరుమలలో భక్తులు లేక అఖండ దీపం కొండెక్కిందనే  వదంతులు వినిపిస్తున్నాయి.తాము ఎంతగానో విశ్వసించే కోనేటి రాయుడు దేవాలయం లో అఖండ దీపం ఆరిపోయిందని వస్తున్నా పుకార్లపై భక్తులు ఆందోళన చెందుతున్నారు.కరోనా తో ప్రాణాలు ఉంటాయా పోతాయా అని తెలియని స్థితిలో ఉన్న ఈ సమయం లో అఖండ దీపం ఆరిపోతే లోకం మునిగి పోతుందనే అరిష్టం కనపడుతుందని వాక్యాలు భక్తుల నుండి వినిపిస్తున్నాయి.కాగా  ఈ విషయమై  మాజీ ప్రధానార్చకులు, ప్రస్తుత ఆగమ శాస్త్ర సలహాదారు రమణ దీక్షితులు స్పందించారు.

స్వామివారికి సుప్రభాత సేవ నుంచి ఏకాంత సేవ వరకూ అఖండ దీపం వెలుగుతూనే ఉంటుందని స్పష్టం చేశారు. ప్రధానాలయం తిరుపతిలో ఆగమ శాస్త్రంలో తెలిపిన విధంగా నిత్యమూ స్వామికి అన్ని పూజలు, కైంకర్యాలూ జరుగుతున్నాయని, భక్తులు ఆందోళన చెందాల్సిన అవసరం లేదని తెలిపారు. ప్రభుత్వ సూచనలకు అనుగుణంగా భక్తులు ఇళ్లలోనే ఉంటూ స్వామివారిని పూజించాలని మనస్ఫూర్తిగా స్మరించుకోవాలి అయన కోరారు.తిరుమలలో లోక కల్యాణార్థం  ధర్మగిరి వేద విజ్ఞాన పీఠంలో నేటి నుంచి రెండు రోజుల పాటు ధన్వంతరీ యాగం జరుగనుంది.

ఈ సందర్భంగా విశేష హోమాలు, పూర్ణాహుతి జరుగనుంది. పూర్ణాహుతి అనంతరం కుంభజలాన్ని జలాశయంలో కలుపుతారు. ఈ శక్తి సూర్యరశ్మి ద్వారా వాతావరణంలో కలుస్తుందని, ఆపై మేఘాల ద్వారా వాయు రూపంలోకి మారి అనారోగ్య కారకాలను నశించేలా చేస్తుందని పండితులు వ్యాఖ్యానించారు. ధన్వంతరీ యాగంలో భాగంగా సూర్య జపాలు, అష్ట దిక్పాలకులకు సంబంధించిన వేద మంత్రాలను పండితులు పారాయణం చేస్తున్నారని రమణ దీక్షితులు తెలిపారు.


You Might Also Like