అటునుంచి ఇటు ఇటు నుండి అటు ప్రయాణించడం  వల్ల కరోనా వైరస్‌ వ్యాప్తి చెందే ప్రమాదముందని,పొరుగు రాష్ట్రాల్లో ఉన్న ఆంధ్ర ప్రజలు  అక్కడే ఉండాలని సరిహద్దుల వద్దకు వచ్చి ఎవరూ ఇబ్బందులు పడొద్దనిఆంధ్రప్రదేశ్‌ రాష్ట్ర ముఖ్య మంత్రి వై ఎస్  జగన్ విజ్ఞప్తి చేశారు.    కరోనా వైరస్‌ నియంత్రణ చర్యలపై ఆదివారం ముఖ్యమంత్రి వైఎస్‌ జగన్‌మోహన్‌రెడ్డి సమీక్ష నిర్వహించారు. ఈ సందర్భంగా పొరుగు రాష్ట్రాలలో ఉన్న ఏపీ ప్రజల పరిస్థితిపై చర్చించారు.కేంద్ర హోంశాఖ మార్గరద్శకాల ప్రకారం వలస కూలీలకు మాత్రమే అనుమతి ఉందని, వేల సంఖ్యలో ఉన్న వలస కూలీలను తీసుకొచ్చి క్వారంటైన్ లో పెడుతున్నామని అన్నారు. వైద్య పరీక్షలు చేసి, వారికి సదుపాయాలు కల్పిస్తున్నామని, అందువల్ల మిగిలిన వారు ప్రభుత్వానికి సహకరించాలని విజ్ఞప్తి చేశారు. ‘కరోనా’ దృష్ట్యా ఎక్కడివారు అక్కడే ఉండటం క్షేమకరమని, ప్రయాణాల వల్ల వైరస్ వ్యాప్తి చెందే ప్రమాదముందని, ప్రభుత్వ సూచనలను ఎప్పటికప్పుడు పాటించాలని కోరారు.

You Might Also Like