తెలుగు టీవీ పరిశ్రమలో మరో నటి కన్ను మూసింది.టీవీ యాంకర్, సీరియల్ నటి శాంతి(విశ్వశాంతి) అనుమానాస్పద స్థితిలో మృతి చెందారు. వైజాగ్ కు చెందిన శాంతి గత కొన్ని సంవత్సరాలుగా హైదరాబాద్ లో ఉంటూ టీవీ యాంకర్  గా తెలుగు టివి సీరియల్ లో వివిధ పాత్రలు పోషిస్తూ జీవితం కొనసాగిస్తుంది.కాగా ఆమె గురువారం ఎస్సార్‌ నగర్‌ పోలీస్‌ స్టేషన్‌ పరిధిలోని ఎల్లారెడ్డి గూడెం ఇంజనీర్స్‌ కాలనీలోని తన నివాసంలో అనుమానాస్పదంగా మృతి చెంది కనపడటం తో ఆమెది  హత్యనా..? ఆత్మహత్యనా..? అన్న కోణంలో పోలీసులు దర్యాప్తును ప్రారంభించారు.ఆమె ఇంటిని పరిశీలిస్తున్న పోలీసులు  ఇంట్లో ఆమె ఫోన్‌ను స్వాధీనం చేసుకోవడంతో పాటు సీసీటీవీ ఫుటేజ్‌ను పరిశీలిస్తున్నారు.  ఆమె శవమై కనిపించారు. సమాచారం తెలుసుకున్న పోలీసులు సంఘటనా స్థలానికి చేరుకొని పోస్ట్‌మార్టం నిమిత్తం ఆమె మృతదేహాన్ని ఆసుపత్రికి తరలించారు. ఈ ఘటనపై  కేసు నమోదు చేసి దర్యాప్తు చేపట్టారు. 

You Might Also Like