కరోనా లాక్ డౌన్ నేపథ్యంలో తన ఛారిటీ సంస్థ బీయింగ్ హ్యూమన్ ఫౌండేషన్ ద్వారా పని కోల్పోయి తినడానికి తిండి దొరకక ఇబ్బంది పడుతున్న  సినీ కార్మికులను ఆదుకునేందుకు హీరో సల్మాన్ ఖాన్ సిద్ధమయ్యారు. లాక్ డౌన్ తో బాలీవుడ్ పరిశ్రమ షూటింగ్ లకు విరామం ఇవ్వగా పనిలేక పోవడంతో ఐదు లక్షల మంది కార్మికులకు ఉపాధి స్తంభించింది. వారిలో 25 వేల మందికి తీవ్ర ఆర్థిక ఇబ్బందుల్లో ఉన్నారని తెలుసుకున్న సల్మాన్ ఖాన్ తన బీయింగ్ హ్యూమన్ ఫౌండేషన్ ను రంగంలోకి దింపారు.

బీయింగ్ హ్యూమన్ ప్రతినిధులు ఫెడరేషన్ ఆఫ్ వెస్ట్రన్ ఇండియన్ సినీ ఎంప్లాయీస్ (ఎఫ్ డబ్ల్యూఐసీఈ) కార్యాలయానికి వచ్చి లాక్ డౌన్  తో చాలా ఇబ్బందులు పడుతున్న పాతిక వేల మంది కార్మికుల బ్యాంక్ అకౌంట్ వివరాలు తీసుకున్నారు. వారి ఖాతాల్లోకి నేరుగా డబ్బు బదిలీ చేయాలన్నది సల్మాన్ ఆలోచన. ఇక లాక్ డౌన్ ఉన్నన్నాళ్లు పాతికవేల మంది యోగక్షేమాలు  బీయింగ్ హ్యూమన్ ఫౌండేషన్ నే చూసుకోనుంది.కాగా నటుడిగా సల్మాన్ ఖాన్ ఏంటో పేరు ప్రఖ్యాతులు సంపాదించిన దానకర్ణుడిగా అయన పలుమార్లు వేలాదిమందికి ఆదుకున్నారు.

You Might Also Like