కొంతకాలంగా కిడ్నీ సంబంధ వ్యాధితో బాధపడుతున్నహైదరాబాద్ పహిల్వాన్ ,క్యారక్టర్ నటుడు నర్సింగ్ యాదవ్ తీవ్ర అస్వస్థతకుగురై కోమాలోకి వెళ్లారు.వెంటనే ఆయన్ను కుటుంబసభ్యులు హుటాహుటిన సోమాజిగూడ యశోద ఆస్పత్రిలో చేర్పించారు. అయన పరిస్థితి  విషమంగా ఉన్నట్లు వైద్యులు తెలిపారు.

విజయనిర్మల దర్శకత్వం వహించిన ‘హేమాహేమీలు’తో ఇండస్ట్రీకి పరిచయమయిన మైలా నరసింహ యాదవ్ నరసింగ్ యాదవ్ నర్సింగ్ అన్న గా ఇండస్ట్రీ కి సుపరిచితుడు.1963 మే 15న హైదరాబాద్ లో జన్మించిన ఆయనకు భార్య చిత్ర కొడుకు రిత్విక్ యాదవ్ లు ఉన్నారు. 300లకు పైగా సినిమాల్లో నటించి కామెడీ విలన్ గా విలక్షణ నటుడిగా మంచి పేరు తెచ్చుకున్నారు. తెలుగు హిందీ తమిళ్ భాషల్లో అయన నటించారు. 

ఇటీవల చిరంజీవి రీ ఎంట్రీ చిత్రం ‘ఖైదీ నెంబర్ 150’లోనూ నటించారు. గత కొంతకాలంగా ఆయన డయాలిసిస్ చికిత్స తీసుకుంటున్నారు. గురువారం సాయంత్రం 4 గంటలకు వున్నట్టుండి కోమాలోకి వెళ్లారు నర్సింగ్ యాదవ్. వెంటనే ఆయన్ని యశోద ఆసుపత్రికి తరలించారు కుటుంబ సభ్యులు.నటుడు నర్సింగ్ యాదవ్ భార్య చిత్ర మాట్లాడుతూ తన  భర్త సాయంత్రం 4 గంటలకు అపస్మారక స్థితిలోకి వెళ్ళారు. దీంతో వెంటనే మేము సోమాజిగూడ యశోద ఆస్పత్రికి తరలించాము.

ఈ రోజు ఉదయం కూడా డయాలసిస్ చేయించాము. అనుకోకుండా కోమాలోకి వెళ్ళారు. 48 గంటల పాటు డాక్టర్లు అబ్జర్ వేషన్ లో ఉంచాలన్నారు. ఇంకా వెంటిలేటర్ పైనే చికిత్స కొనసాగుతుంది.ఉన్నట్లు ఉండి కోమాలోకి వెళ్ళిపోయారు. కోలుకుని తను ఆరోగ్యంగా ఇంటికి రావాలని దేవుని ప్రార్థిస్తున్నాం.సోషల్ మీడియాలో వస్తోన్న వార్తలు ఎవరూ నమ్మకండి. క్షేమంగా ఇంటికి రావాలని అందరూ కోరుకోండని ఆమె అన్నారు.

You Might Also Like