చిన్న తనం నుండే దొంగ తనమే ఉపాధి గా మార్చుకున్న ఓ దొంగను కరోనా జైలుకు వేళ్ళకుండా  కాపాడిన ఘటన ఇది.నల్గొండ జిల్లా చంటపల్లి తండాకు చెందిన జటావత్ మహేశ్ (19) తన 15వ ఏట నుంచే దొంగతనాలమొదలు పెట్టి  ఇప్పటి వరకు  50కి పైగా నేరాలు చేసిన తరువాత 2017లో అతన్ని అరెస్ట్ చేసిన పోలీసులు, న్యాయమూర్తి ముందు హాజరు పరచగా, జువైనల్ హోమ్ కు పంపించారు. అక్కడ మహేశ్ కు వృత్తి విద్యలో శిక్షణ ఇప్పించి ఉద్యోగం ఇప్పించారు.దొంగ ఠాణాలకు అలవాటు పడిన మహేష్ అక్కడి నుంచి పరారై .లాక్ డౌన్ మొదలయ్యేలోగా, నాలుగు నేరాలు చేశాడు. కాగా 20 రోజుల క్రితమే   మైనార్టీ తీరిన మహేష్ ను  ఈస్ట్ జోన్ పోలీసులు, అరెస్ట్ చేసి ఆసుపత్రి కి తరలించగా ఇతను జలుబు, దగ్గు, జ్వరంతో బాధపడుతూ ఉండటంతో, వైద్యులు అతని చేతిపై 14 రోజుల క్వారంటైన్ ముద్ర వేశారు. ఆపై మహేశ్ ను న్యాయమూర్తి ముందు హాజరు పరిచి, జ్యుడీషియల్ రిమాండ్ నిమిత్తం చంచల్ గూడ జైలుకు తరలించగా, క్వారంటైన్ స్టాంప్ ను చూసిన జైలు అధికారులు, అతన్ని జైల్లోకి అనుమతించేది లేదని స్పష్టం చేశారు.

దీంతో ఏం చేయాలో తెలియక తల పట్టుకున్న పోలీసులు, మరోమారు విషయాన్ని కోర్టు దృష్టికి తీసుకెళ్లగా, అతన్ని హోమ్ క్వారంటైన్ చేయాలని న్యాయమూర్తి ఆదేశించారు. కోర్టు ఆదేశాలతో అతన్నుంచి వ్యక్తిగత బాండ్ ను తీసుకుని, చంటపల్లి తండాను తీసుకెళ్లి హోమ్ క్వారంటైన్ చేసి వచ్చారు. అతనికి క్వారంటైన్ స్టాంప్ పడిందన్న విషయం తెలుసుకున్న టాస్క్ ఫోర్స్, కంచన్ బాగ్ పోలీసులు ఇప్పుడు ఆందోళన చెందుతున్నారు. మహేశ్ కు కరోనా సోకకుండా ఉండాలని అతనికన్నా, పోలీసుల కుటుంబీకులే ఎక్కువగా కోరుకుంటున్నారు.అలా ఓ దొంగను కరోనా రక్షించింది.హాయిగా ఇంటిపట్టునే ఉంటూ మరో దొంగతహమా ఎలా చేయాలనీ ప్లాన్ చేస్తున్నాడు ఈ ప్రబుద్దుడు.


You Might Also Like