మేడ్చల్ జిల్లాలోని జవహర్‌‌నగర్‌లో ఇద్దరు యువతుల ఆత్మహత్య చేసుకున్న ఘటన తెలతెలవారాగానే సంచలనం సృష్టించగా తమ భర్తలు మందలించారనే బాధతో పాపను చంపి  మర్రి చెట్టుకు ఉరివేసుకున్న మృతి చెందిన ఆ మహిళల వివరాలను పోలీసులు మీడియా కు వివరించారు.జవహర్‌నగర్ మున్సిపల్ కార్పొరేషన్ పరిధిలోని డెంటల్ కాలేజ్ డంపింగ్ యార్డ్ సమీపంలో చెట్టుకు ఉరివేసుకుని ఇద్దరు యువతులు బలవన్మరణానికి పాల్పడటం తో స్థానికుల ద్వారా సమాచారం తెలుసుకున్న పోలీసులు అక్కడకు చేరుకుని మృతదేహాలను స్వాధీనం చేసుకోగా ఘటనా స్థలిలలో ఓ పాప మృతదేహం కూడా ఉండటం పలు అనుమానాలకు తావిచ్చింది .ఈ ఘటన కు కారణాలేంటి?అసలేం జరిగింది.? పాపను చంపవలసిన అవసరమెవరికి ఉంది ? అనే అంశాలపై విచారణ జరిపి వివరాలను ఏసీపీ శివకుమార్ మీడియాకు వెల్లడించారు.

అయన కథనం ప్రకారం ‘ఆత్మహత్య చేసుకున్న ఇద్దరు యువతులు సుమతి, రేవతిగా గుర్తించాం. సుమతి, రేవతి ఇద్దరూమంచి స్నేహితురాళ్ళు.వీరిరువురు గురువారం  రేషన్‌ బియ్యం కోసం షాప్ కు వెళ్లి ఇంటికి ఆలస్యంగా రావడంతో అనుమానం తో నో మరెందుకో  వారి భర్తలు వారిని మందలించారు.దీనితో  మనస్తాపంకు గురైన  రేవతి, సుమతి, సుమతికి కూతురు ఉమామహేశ్వరి, లురెండు రోజుల కిందట జవహర్‌నగర్‌కు వచ్చేశారు. రెండు రోజులుగా చర్చిలోనే గడిపారు.అయినా తమ భర్తల్లో పచ్చాత్తాపం కనబడక పోవడం ,అనుక్షణం భర్తల చేతిలో అవమానంపడేకంటే చావడం మేలని భావించిన ఆ మహిళాలు ఆదివారం రాత్రి  11 గంటల ప్రాంతంలో ఆత్మహత్య చేసునేందుకు సిద్ధం అయ్యారు.ముందుగా సుమతికి కూతురు ఉమామహేశ్వరికూల్‌డ్రింక్‌లో హార్పిక్‌, ఆలౌట్‌ కలిపి తాగించారు. ఆ చిన్నారి చనిపోయిందని నిర్దారించుకున్నాకా వారిరువురు చున్నీలతో అక్కడే ఉన్న రెండు మర్రి చెట్లకు ఉరివేసుకుని ఆత్మహత్య చేసుకున్నారు’ అని శివకుమార్ మీడియాకు వివరించారు. కాగా.. పోస్టుమార్టమ్ నిమిత్తం మృతదేహాలను గాంధీ మార్చురీకి ఆస్పత్రికి పోలీసులు తరలించారు.కేవలం భర్తలు తిట్టారని క్షణికావేశం లో ప్రాణాలు తీసుకోవడం తో పాటు ఒక చిన్నారి ప్రాణం తీసిన ఘటన పలువురిని కలిచి వేసింది.కాగా భర్తలను అన్ని కోణాల్లో విచారించామని ఇది ఆత్మ హత్యా లేనని పోలీసులు తెలిపారు.

You Might Also Like