వైరస్ విజృంభిస్తున్నముందు జాగ్రత్త చర్యలు తీసుకోని ఫలితంగా  అగ్రరాజ్యం అమెరికాలో పరిస్థితి చేయి దాటిపోయింది. ఫలితంగా కరోనా మరణాలు లక్షల్లోకి చేరుకుంటున్నాయి.. పలు దేశాల్లో ఈ ప్రాణాంతక వైరస్ విజృంభించి ప్రాణ నష్టం జరుగుతున్నా నిర్లిప్తంగా ఉండటం ముందు జాగ్రత్త చర్యలు తీసుకోక పోవడంతో అమెరికాలో పరిస్థితి చేయి దాటిపోయింది.  ఓ వైపు రోజురోజుకు కరోనా పాజిటివ్ కేసుల సంఖ్య వేగంగా పెరుగుతుండగా అదే స్థాయిలో  మరణాలు నమోదవుతున్నాయి. కేవలం 24 గంటల వ్యవధిలోనే 1480 మంది మృత్యువాత పడటం అమెరికా లో కరోనా పరిస్థితి తీవ్రతకు అడ్డం పడుతుంది.ఫలితంగా అమెరికా లో మరణ మృదంగం మ్రోగుతుంది.


అమెరికా లో గురువారం రాత్రి 8.30 నుంచి శుక్రవారం రాత్రి 8.30 గంటల మధ్య ఈ మరణాలు సంభవించినట్టు జాన్స్ హాఫ్కిన్స్ యూనివర్సిటీ వెల్లడించింది. మరోవైపు అగ్రరాజ్యంలో కరోనా కేసుల సంఖ్య 2 లక్షల 77 వేల 467 కు చేరింది. ఇప్పటిదాకా 7402 మంది చనిపోయారు. శుక్రవారం ఒక్క రోజే 32 వేల పైచిలుకు కొత్త కేసులు నమోదవగా 1321 మంది ప్రాణాలు కోల్పోయారు.ఇవన్నీ అధికారిక లెక్కలు కావ్యాన్ని మృతుల సంఖ్య అంతకి మించే ఉండవచ్చని అభిప్రాయపడుతున్నారు.

You Might Also Like