కరోనా వైరస్ సోకితే ఎలావుంటుంది ఆ జబ్బు లక్షణాలు ఏమిటి అనే అంశాలపై ఇప్పటి దాకా ఉన్న అనుమానాలను పటాపంచలు చేస్తూ వైరస్ సోకినా మొదటి రెండు రోజుల్లో ఉండే లక్షణాలను బయటపెట్టారు బ్రిటన్ వైదులు.నిన్నటి దాకా అందరు అనుకున్నట్టు  కరోనా సంక్రమిస్తే 14 రోజుల్లోగా జలుబు, దగ్గు, జ్వరం, తలనొప్పి, ఊపిరి తీసుకోవడంలో ఇబ్బందులు తలెత్తుతాయన్నవి ఒక వాదన కాగా  ఈ లక్షణాలన్నీ ఒకేసారి కనిపిస్తే, వారికి కరోనా సోకినట్టుగా అనుమానించ వచ్చని ప్రపంచ ఆరోగ్య నిపుణులు చెప్పారు. అయితే, ఈ లక్షణాలు బయటకు తెలిసే సమయానికి జరగాల్సిన నష్టం జరిగిపోతుంది. వైరస్ సోకిన వారి నుంచి ఎంతో మందికి వైరస్ వ్యాపిస్తుంది.


తాజా గా  చేసిన పరిశోధన లో .శరీరంలోకి కరోనా వైరస్ ప్రవేశించిన గంటల్లోనే రెండు కొత్త లక్షణాలు బయటకు వస్తాయని బ్రిటన్‌కు చెందిన ఈఎన్టీ వైద్యులు గుర్తించారు. వైరస్‌ సోకిన వారు తొలుత వాసనను గుర్తించలేరని, ఆపై తినే ఆహార పదార్థాల రుచిని కూడా కోల్పోతారని వెల్లడించారు. వైరస్ ఊపిరితిత్తుల్లోకి చేరడానికి ముందు ముక్కులో ఆగుతుందని, అందువల్ల రోగులకు వాసన చూసే సామర్థ్యం కోల్పోతారని తెలియజేసారు.


ఇక ఈ లక్షణాలు కనిపించిన  వెంటనే ఆసుపత్రికి వెళితే  రోగ నిరోధక శక్తి అధికంగా ఉండే యువత వైరస్ బారిన పడినప్పటికీ అన్ని లక్షణాలూ బయటపడేలోపే పూర్తిగా కోలుకునే అవకాశాలు ఉంటాయని వైద్యులు అంటున్నారు. హఠాత్తుగా తాము వాసన పసిగట్టే సామర్థ్యానిన కోల్పోయామంటూ తన క్లినిక్‌ కు వచ్చే రోగుల సంఖ్య ఇటీవలి కాలంలో గణనీయంగా పెరిగిందని, కారణం కనుక్కునే ప్రయత్నాల్లో తానుండగానే , వారిలో ఎక్కువ మందికి కరోనా సోకినట్టు తెలిసిందని బ్రిటన్‌ ఈఎన్‌టీ అధ్యక్షుడు ప్రొఫెసర్‌ నిర్మల్‌ కుమార్‌ వ్యాఖ్యానించారు. ఇక ఈ లక్షణాలు ఉన్న వారికి, వాటి నివారణకు స్టెరాయిడ్స్‌ ట్యాబ్లెట్లను వారం రోజుల పాటు అందించాల్సి ఉంటుందని ఆయన పేర్కొన్నారు.ఇంకేముంది ఈ లక్షణాలు మీకు లేదా మీకు తెలిసిన వారికి కనిపిస్తే వెంటనే సమీపం లోని ఆసుపత్రికి వెళ్లి మీ ప్రాణాలు కాపాడుకోవడం తో పాటు పలువురికి కరోనా వ్యాధి  వ్యాపించకుండా ఉంటుంది.

You Might Also Like