కోవిడ్-19పై కీలక పరిశోధనలు చేస్తున్న చైనా శాస్త్రవేత్త బింగ్ లియు (37)అమెరికాలో హత్యకు గురికావడం సంచలనామ్ రేపుతోంది.అమెరికాలోని  పిట్స్‌బర్గ్ యూనివర్సిటీలో లియు  ప్రొఫెసర్‌గా పనిచేస్తుండగా  శనివారం ఆయన పిట్స్‌బర్గ్‌కు ఉత్తరాన వున్న రాస్ టౌన్‌షిప్‌లోని తన ఇంట్లో శవమై కనిపించారు.


హోగు అనే 46 ఏళ్ల సాఫ్ట్‌వేర్ ఇంజినీర్ ఆయనను కాల్చి చంపి, ఆపై తనను తాను కాల్చుకుని మరణించినట్టు పోలీసులు అనుమానిస్తున్నారు. హోగు, బింగ్ లియు ఇద్దరూ పరిచయస్తులేనని పోలీసులు తెలిపారు. నిందితుడి మృతదేహాన్ని పోలీసులు స్వాధీనం చేసుకున్నారు. హత్యకు గల కారణాలు తెలియాల్సి ఉందని పోలీసులు తెలిపారు. లియు పరిశోధనలకు, ఈ హత్యకు సంబంధం ఉండి ఉండొచ్చని అనుమానిస్తున్నారు.ఈ విషయమై లోతుగా దర్యాప్తు చేయాల్సి ఉందని పోలీస్ అధికారి తెలిపారు.

You Might Also Like