పట్టణాలకు వలస వచ్చి చేసేందుకు పనిలేక తినేందుకు తిండి లేక స్వస్థలాలకు వెళ్లాలనే ఆలోచన మంచిదే అయినా వారు ఎన్నుకున్న విధానం తప్పుడు విధానమవడం తో వారంతా కటకటాల పాలైన సంఘటన ఇది.సొంతూరికి వెళ్ళడానికి ఓ వ్యక్తి ఏకంగా శవం గెటప్ వేయగా అనుమానం వచ్చిన పోలీసులు వట్టిదేనని తెలుసుకొని బొక్కలో పెట్టారు.ఈ ఘటన జమ్మూ కశ్మీర్ లోని పూంచ్ జిల్లాలో జరిగింది. తమతమ  సొంత ఊళ్లకు వెళ్లడానికి ముగ్గురు వ్యక్తులు పథకం రూపొందించి వారిలో ఒక వ్యక్తి చనిపోయినట్లుగా డెత్ సర్టిఫికేట్ తీసుకుని గ్రామానికి వెళ్లేందుకు అద్దెకు తీసుకున్నాఆంబులెన్స్ లో బయలుదేరారు.

పోలీసులకు అనుమానం రాకుండా ఉండేందుకు ఆ ముగ్గురిలో ఓ వ్యక్తి మరణించినట్లు నటించాడు. శవాన్ని తమ గ్రామానికి తీసుకెళ్తున్నామని చెక్‌పోస్ట్ ల వద్ద పోలీసులకు చెప్పారు. అయితే సూరన్ కోట్ చెక్‌పోస్ట్‌‌కు చేరుకోగానే పోలీసులు అనుమానం వచ్చి అంబులెన్స్ ను తనిఖీ చేశారు. అందులో శవంలా ఉన్న వ్యక్తిని నిశితం గా పరిశీలించి  టెంపరేచర్ చూడగా అతడు బతికే ఉన్నాడని పసిగట్టారు. దీంతో ఆ ముగ్గురు వ్యక్తులతో పాటు డ్రైవర్, మరో వ్యక్తిని అదుపులోకి తీసుకుని వారిపై సెక్షన్ 420 (మోసం), 269 (జీవితానికి ప్రమాదకరమైన వ్యాధి సంక్రమణను వ్యాప్తి చేసే నిర్లక్ష్య చర్య) మరియు 188 (ప్రభుత్వ సేవలకు ఆటంకం) కింద కేసు నమోదు చేశారు.

You Might Also Like