మోడీ సర్కార్  లాక్ డౌన్ అంటూ ఏంతో కట్టడి చేశారు. ప్రజలను రోడ్ల పైకి రాకుండా పోలీస్ లు తన్ని తరిమేశారు.ప్రాణాంతకమైన వ్యాధి కరోనా వ్యాప్తికి తోడ్పడే వద్దని హితోప దేశం చేస్తూ కోట్లాది రూపాయలు ఖర్చు పెట్టి దేశం లో అన్ని రోడ్ లు శానిటైజ్ చేయించారు .ఉచితంగా బియ్యం గోధుమలు ఖర్చులకు డబ్బులు ఇస్తామని ప్రజలను కట్టడి చేశారు.గుళ్ళు గోపురాలు మాల్స్ ,షాపులు వైన్స్ లు బార్ లు బంద్ చేశారు కానీ ఢిల్లీ లోని ఒక మసీద్ పై ప్రభుత్వం ద్రుష్టి పెట్టక పోవడం తో పూడ్చుకోలేని నష్టం వాటిల్లింది.ఫలితం గా తొమ్మిది  వేల మందికి కరోనా వైరస్ సోకె  అవకాశముంది.ప్రార్థనలు కదా అని యూరుకుంటే ప్రాణాంతకమై కూర్చున్న ఈ సంఘటనను ఓసారి పరిశీలిద్ద్దాం.

మార్చ్ లో  న్యూ డిల్లీలోని నిజాముద్దీన్ మర్కజ్ లో జరిగిన మత ప్రార్థనలకు 7,600 మంది భారతీయులు, 1,300 మంది విదేశీయులు హాజరైనట్టు గుర్తించామని, ఇందులో  పాల్గొన్న  దాదాపు 9 వేల మంది ఇప్పుడు కరోనా మహమ్మారి ప్రమాదం అంచున ఉన్నారని కేంద్ర హోమ్ మంత్రిత్వ శాఖ ప్రకటించింది.ఇండియాలో అతిపెద్ద కరోనా వ్యాప్తి కేంద్రం  మర్కజ్  మసీదేనని అభిప్రాయపడ్డ కేంద్రం, వైరస్ సోకిన వారి సంఖ్య 9 వేలకు మించే ఉండవచ్చని ఆందోళన వ్యక్తం చేసింది.


మర్కజ్  మత ప్రార్థనల్లో పాల్గొనేందుకు ఢిల్లీకి వచ్చిన వారిని గుర్తించేందుకు 23 రాష్ట్రాలు, నాలుగు కేంద్ర పాలిత ప్రాంతాల అధికారులు నిర్విరామంగా పని చేస్తున్నారని కేంద్రం పేర్కొంది. ఏప్రిల్ 1 వరకూ 1,051 మందిని క్వారంటైన్ చేయగా, వారిలో 21 మందికి ఇప్పటికే పాజిటివ్ వచ్చింది. ఇద్దరు వ్యక్తులు మరణించారు. అందుబాటులో ఉన్న అన్ని వనరులనూ ఉపయోగించి, తబ్లిగీ జమాత్ లో పనిచేసిన 7,688 మంది స్థానిక కార్యకర్తలను, వారు కలిసిన వారిని, వారి కుటుంబీకులను క్వారంటైన్ చేస్తామని తెలిపారు.అయితే, మర్కజ్ ప్రార్థనలతో సంబంధమున్న ప్రతి ఒక్కరినీ గుర్తించడం అధికారులకు కష్ట సాధ్యంగా మారిందని పీఎంఓ కార్యాలయ అధికారి ఒకరు వ్యాఖ్యానించారు. అత్యధికులను గుర్తించినా, ఇంకా బయటకు రానివారి ద్వారా వ్యాధి ఎంతమందికి వ్యాపిస్తుందన్న అంశం ఆందోళన కలిగిస్తోందని అన్నారు.


కాగా, ఇప్పటివరకూ ఈ ప్రార్థనలతో ప్రత్యక్షంగానో, పరోక్షంగానో సంబంధమున్న 400 మందికి పైగా ప్రజలు కరోనా వైరస్ బారిన పడ్డారు. ప్రభుత్వం విడుదల చేసిన గణాంకాల ప్రకారం, ప్రార్థనలతో సంబంధమున్న కేసులు తమిళనాడులో అత్యధికంగా 190 ఉండగా, ఆ తరువాతి స్థానంలో ఏపీ ఉంది. ఏపీలో 71, ఢిల్లీలో 28, తెలంగాణలో 28, ఆసోంలో 14, మహారాష్ట్రలో 12, అండమాన్ లో 10, జమ్మూ కశ్మీర్ లో 6, పుదుచ్చేరి, గుజరాత్ లో రెండేసి కేసులు పాజిటివ్ వచ్చాయి.ఇండియాలోని వివిధ రాష్ట్రాల నుంచి వేలాది మందితో పాటు మలేషియా, ఇండోనేషియా వంటి దేశాల నుంచి పలువురు తబ్లిగీ జమాత్ లో పాల్గొన్నారు. ఇక్కడి ఇరుకు వీధుల్లో వారంతా పలు దినాలు గడిపారు. ఆపై లాక్ డౌన్ అమలులోకి రాగా, దాదాపు 6,500 మంది తమతమ ప్రాంతాలకు వెళ్లిపోయారు.


సోమవారం ప్రారంభమై, దాదాపు 36 గంటల పాటు సాగిన ఆపరేషన్ అనంతరం తబ్లిగీ జమాత్ నుంచి 2,335 మందిని బయటకు తీసుకుని రాగా, వీరిలో ఎంతమందికి కరోనా సోకిందన్న విషయం తేలాల్సివుంది. వీరందరినీ ప్రస్తుతం క్వారంటైన్ సెంటర్లకు తరలించగా, కరోనా లక్షణాలు కనిపించిన వారిని అధికారులు ఆసుపత్రుల్లో చేర్చారు.మొత్తానికి మర్కజ్ ప్రార్థన ల పుణ్యమా అని దేశం లో అధికారులు ప్రభుత్వాలు కంటి మీద కునుకు లేకుండా తీవ్రంగా శ్రమ  పడుతున్నారు.ఈ నెల ౧౪ వరకు పరిస్థితి అదుపులోకి వస్తాడన్న వారి అసలు అడియాసలే అయ్యాయి.ఇంకా రాత్రియంబవళ్ళు శ్రమిస్తే గాని ఈ వ్యాధిని కంట్రోల్ చేయడం కష్టమే అని అధికారులు అంటుండగా భారత దేశం ఒక చైనా లానో ఇటలీ లానో అమెరికా లానో కావద్దని అన్ని మరణాలు సంభవిస్తే జనాభా అధికం గా ఉన్న మన దేశం లో ఈ వ్యాధిని అదుపుచేయడం ఎవరి తరం కాకపోవచ్చని వాదనలు వినిపిస్తున్నాయి.

You Might Also Like