ప్రస్తుత పరిస్థితుల్లో ఏప్రిల్‌ 14 తర్వాత లాక్‌డౌన్‌ ఎత్తేసే అవకాశాలు కనిపించడం లేదని ,కొవిడ్‌-19 తర్వాత జీవితం అంతకుముందులా ఉండకపోవచ్చని, పరిస్థితి కరోనా ముందు, కరోనాకు తర్వాత అన్నట్టుగా మారుతుందని ప్రధాని నరేంద్రమోదీ అభిప్రాయ పడ్డారు అయినప్పటికీ లాక్ డౌన్ ఒకేసారి ఎత్తి వేయాలా లేక దశల వారీగా ఎత్తివేయాలనేది ఈ నెల 11  న మరో సారి సమావేశం నిర్వహించి ముఖ్యమంత్రుల అభిప్రాయాలను అడిగి తెలుసుకునిప్రకటిస్తామని మోడీ తెలిపారు. దేశంలో వేగంగా వ్యాపిస్తున్న కొవిడ్‌-19 వైరస్‌ను కట్టడి చేసేందుకు ప్రభుత్వం చేపట్టిన చర్యలను ఈ సందర్భంగా అఖిలపక్షానికి వివరించారు. బుధవారం  పార్లమెంటులో ప్రతిపక్షాలు, ఇతర పార్టీల ముఖ్య నేతలతో ఆయన వీడియో కాన్ఫరెన్స్‌ సమావేశం నిర్వహించారు.

ఈ సందర్భంగా ఆయా పార్టీ ల నేతల అభిప్రాయాలను మోడీ అడిగి తెలుసుకున్నారు. దేశవ్యాప్తంగా అమలు చేస్తున్న 21 రోజుల లాక్‌డౌన్‌ను మరికొన్ని రోజులు పొడగించాలని ఆయా రాష్ట్రాలు కోరుతున్న తరుణంలో ఈ సమావేశం జరగడం ప్రాధాన్యత సంతరించుకుంది.సమావేశంలో మోడీ మాట్లాడుతూ వ్యక్తిగత, ప్రవర్తన, సామాజిక మార్పులు ఎన్నో జరగాల్సి ఉంది’ అన్నారు.అంతకు ముందు ప్రభుత్వము వైరస్‌ కట్టడికి, లాక్‌డౌన్‌ వల్ల తలెత్తిన ఇబ్బందులను పరిష్కరించేందుకు ఏం చర్యలు తీసుకుంటుందో కేంద్ర వైద్య, హోమ్‌, గ్రామీణ అభివృద్ధి మంత్రిత్వ శాఖల కార్యదర్శులు పార్టీ నేతలకు వివరించారని తెలిసింది. వైద్య సిబ్బందికి వ్యక్తిగత రక్షణ సామగ్రి (పీపీఈ) కొరత గురించి నేతలు సమావేశంలో లేవనెత్తారని సమాచారం. పార్లమెంటు నూతన భవన నిర్మాణాన్ని ఆపేయాలని మరికొందరు పేర్కొన్నారని తెలిసింది.ఈ సమావేశంలో  కాంగ్రెస్‌ రాజ్యసభా పక్ష నేత గులాంనబీ ఆజాద్‌, ఎన్‌సీపీ నేత శరద్‌ పవార్‌ లతో పాటు కేశవరావు (తెరాస), విజయసాయిరెడ్డి, మిథున్‌రెడ్డి (వైకాపా), రామ్‌గోపాల్‌యాదవ్‌ (సమాజ్‌వాదీ పార్టీ), సతీశ్‌ మిశ్రా (బహుజన్‌ సమాజ్‌ పార్టీ), చిరాగ్‌ పాసవాన్‌ (లోక్‌ జన్‌శక్తి పార్టీ), టీఆర్‌ బాలు (డీఎంకే), సుఖ్‌బీర్‌ సింగ్‌ బాదల్‌ (శిరోమణీ  అకాలీదళ్‌), రాజీవ్‌ రంజన్‌సింగ్‌ (జనతాదళ్‌ యునైటెడ్‌), పినాకి మిశ్రా (బిజూ జనతాదళ్‌), సంజయ్‌ రౌత్‌ (శివసేన) సైతం ఈ సమావేశంలో పాల్గొన్నారు. మొదట్లో తృణమూల్‌ నిరాకరించినప్పటికీ అనంతరం సుదీప్‌ బందోపాధ్యాయ హాజరయ్యారు. 


You Might Also Like