ఎంత చెబుతున్న వినకుండా గుమి గుడి వైరస్ వ్యాప్తి చేస్తున్నారనే అభియోగం తో పాటు లాక్‌డౌన్ రూల్స్‌ను ఉల్లంఘించినందుకు ఒక పెళ్లి జంటతో పాటు వివాహానికి హాజరైన వారి బందు మిత్రులను పోలీసులు అరెస్టు చేసిన ఉదంతమిది.పెళ్లి జరిగాక అక్కడికి చేరుకున్న పోలీసులు పెళ్లి జంటను పోలీసు వాహనాల్లోకి ఎక్కిస్తున్నఫొటోలు నెట్టింట్లో వైరల్‌ గా మారాయి. ఈ ఘటన దక్షిణాఫ్రికాలో జరిగింది.

పోలీస్ లతో పాటు స్థానిక మీడియా సంస్థ కథనం ప్రకారం 48  ఏళ్ల జబులాని జులు అనే వ్యక్తి  నొమ్తాండాజొ మెక్ జీ (38)ని ఆదివారం విహాహం చేసుకున్నాడు. క్వాజులు- నటాల్ అనే ప్రాంతంలో ఈ పెళ్లి జరిగింది. అయితే కరోనా నేపథ్యంలో ప్రజలు గుమికూడడంపై అక్కడ నిషేధం ఉంది.నిషేధాన్ని ఉల్లంఘించి  జులు, మెక్‌ జీ పెళ్లి వేడుక జరుగుతున్న విషయం తెలియడంతో ఆయుధాలు ధరించిన పోలీసులు అక్కడికి చేరుకున్నారు. వేడుకను నిలిపివేసి వధూవరులతో పాటు పెళ్లికి వచ్చిన యాభై మందికి పైగా కుటుంబ సభ్యులు, అతిథులను అరెస్ట్ చేశారు. అందరినీ పోలీస్‌ స్టేషన్‌కు తరలించి ఒక్కొక్కరికి రూ. 4100 పూచికత్తుతో బెయిల్ ఇచ్చారు.  కాగా, దక్షిణాఫ్రికాలో ఇప్పటిదాకా 1700 పైచిలుకు కరోనా కేసులు నమోదయ్యాయి. ఆ దేశంలో ఈనెల 16 వ తేదీ వరకూ లాక్‌డౌన్‌ అమల్లో ఉండనుంది.

You Might Also Like