లాక్‌డౌన్ సమయంలో రోడ్డుపైకి వచ్చిన వారిని అడ్డగించిన పోలీసులను కత్తితో పొడిచేశారు. కొందరు ఆకతాయిలు.ఈ ఘటన మధ్యప్రదేశ్‌లో చోటుచేసుకుంది. పాత భోపాల్‌లోని ఇత్వారా ప్రాంతంలో విధులు నిర్వహిస్తున్న ఇద్దరు పోలీసులపైఅల్లరి ముక్కలు కత్తితో దాడి చేశారు. చేతికి గాయాలైన పోలీసులను ఆసుపత్రికి తరలించారు.పోలీసులు నిందితుల కోసం గాలిస్తున్నారు.కాగా దీనిపై మధ్యప్రదేశ్ ముఖ్యమంత్రి శివరాజ్‌సింగ్ చౌహాన్ స్పందించారు. 'మన సంక్షేమం కోసం రేయింబవళ్లు కష్టపడుతున్న పోలీసులపై దాడి క్షమార్హం కాదు. తప్పుచేసిన ఎవరినీ వదలం' అని ట్వీట్ చేశారు.

నిందితులపై నేషనల్ సెక్యూరిటీ యాక్ట్ కింద కేసులు పెడతామని తెలిపారు.కరోనా నియంత్రణ కోసం దేశవ్యాప్తంగా లాక్‌డౌన్ విధించారు. దేశ వ్యాప్తం గా లక్డౌన్ ఉన్న నేపత్యంలో కొందరు ప్రజలు నిబంధనలు ఉల్లంఘించి రోడ్లపై యథేచ్ఛగా తిరుగుతున్నారు.ఇటువంటి వారిని అడ్డగించి, కరోనా వ్యాధి ప్రబలకుండా ప్రభుత్వ ఆదేశాలు అమలయ్యేలా చేయడం పోలీసుల బాధ్యత. ఇలా తమ బాధ్యత నిర్వర్తిస్తున్న పోలీసులపై కొన్ని మూకలు దాడులకు పాల్పడుతున్నాయి. మొన్నామధ్య బెంగళూరులో లాక్‌డౌన్ నిబంధనలు ఉల్లంఘించి, తమను అడ్డగించిన మహిళా పోలీసుపై కొందరు యువకులు దాడి చేశారు. ఇప్పుడు తాజాగా మధ్య ప్రదేశ్ లో ఈ ఘటన జరగగా కొన్ని చోట్ల పోలీసులు కూడా రోడ్లపైకి వచ్చిన వారిని చితక బాది ఇన్నతాధికారుల చేతుల్లో పనిషమెంట్ కు గురైన సంగతులు ఉన్నాయి. 

You Might Also Like