మెజారిటీ ముఖ్య మంత్రుల సూచనల మేరకు లాక్‌డౌన్‌ను మే 3 వరకు పొడిగిస్తున్నట్లు దేశంలో రోజురోజుకు విస్తరిస్తున్న కరోనా మహమ్మారినినివారించడానికే  ఈ కఠిన నిర్ణయం తీసుకోవాల్సి వచ్చిందని  ప్రధాని నరేంద్ర మోదీ ప్రకటించారు. ప్రధాని మోదీ మంగళవారం జాతినుద్దేశించి ప్రసంగిస్తూ  ఇప్పటి వరకు దేశ ప్రజలు లాక్‌డౌన్ అమలు కోసం సహకరించినందుకు శిరసు వంచి నమస్కరిస్తున్నానంటూ పేర్కొన్నారు. 


లాక్‌డౌన్‌ వల్ల అనేక మంది ఎన్నో సమస్యలు ఎదుర్కుంటున్నారని అయినా, దేశ ప్రయోజనాలను దృష్టిలో పెట్టుకొని ‘భారత ప్రజలమైన మేము’ అన్న స్ఫూర్తి తో అందరూ సహనం వహించారని ప్రజలు సైనికుల వలే ఈ ఆపద సమయం లో వైరస్ కు వ్యతిరేకం గా పోరాడుతున్నందుకు అయన ధన్యవాదాలు తెలిపారు. నేడు అంబేడ్కర్‌ జయంతి సందర్భంగా ఆయన సేవలను కొనియాడిన ప్రధాని నేడు దేశాన్ని మహమ్మారిని నుంచి కాపాడుకోవడం కోసం ఐక్యతను చాటడమే అంబేడ్కర్‌ గొప్ప నివాళి అని వ్యాఖ్యానించారు.

దేశంలో వివిధ ప్రాంతాల్లో ప్రజలు పండుగలు సాధాసీదాగా జరపుకోవాల్సిన పరిస్థితులు ఏర్పడ్డాయన్నారు.  దేశంలో 500 కేసులు ఉన్నప్పుడే లాక్‌డౌన్‌ నిర్ణయం తీసుకున్నాం. ప్రజల సహకారంతోనే కరోనా వైరస్‌ వ్యాప్తిని నియంత్రిస్తున్నాం. మహమ్మారిని కట్టడి చేయడంలో కేంద్రం సమగ్ర ప్రణాళికలు రూపొందించి అమలు చేయకపోతే పరిస్థితులు మరింత దయనీయంగా మారి ఉండేవి. ప్రపంచవ్యాప్తంగా అనేక దేశాలు ఎదుర్కొంటున్న పరిస్థితులు బట్టి చూస్తే మనం అనుసరిస్తున్న మార్గం సరైనదే అన్నారు.

ఒకప్పుడు మనదేశంతో సమానంగా ఉన్న దేశాల్లో ఇప్పుడు కరోనా కేసులు 25 రెట్లు ఎక్కువగా ఉన్నాయి’ అని తెలిపారు.  ప్రపంచ దేశాలు ఈరోజు భారత్‌వైపు చూస్తున్నాయి.ఇన్ని ప్రయత్నాలు చేస్తున్నప్పటికీ మహమ్మారి తన పంజా విసురుతోంది. ప్రపంచ దేశాలకు సవాల్‌ విసురుతోంది. ఈ తరుణంలో ప్రజల కష్టాల్ని ఎలా తగ్గించాలి తీవ్రతను కనిష్ఠానికి ఎలా పరిమితం చేయాలని నిరంతరం రాష్ట్రాలతో చర్చించి పొడిగింపు నిర్ణయాన్ని తీసుకున్నాం.కాగా మోడీ నిర్ణయం తో మరో 19 రోజుల పాటు దేశం లాక్‌డౌన్‌లోనే కొనసాగనుంది


You Might Also Like