జన్మభూమి కోసం అహర్నిశలు కస్టపడి చివరికి కాన్సర్ కు బలైన  శౌర్యచక్ర పురస్కారం గ్రహీత అయినా  ఓ ఆర్మీ అధికారి అంత్యక్రియలకు హాజరయ్యేందుకు ఆయన తల్లిదండ్రులు రోడ్డు మార్గంలో ప్రయాణించాల్సిన దుస్థితి ఏర్పడడం పలువురిని కలిచివేసింది.అతని అంత్యక్రియలకు  విమానం ఏర్పాటు చేయకపోవడం చర్చనీయాంశమైంది. క్యాన్సర్ తో మరణించిన తమ కుమారుడి  చివరి చూపు కోసం ఆ జవాను తల్లిదండ్రులు అమృత్‌సర్ నుంచి బెంగళూరుకు ఏకంగా 2600 వంద కిలోమీటర్లు రోడ్డు మార్గంలో ప్రయాణించాల్సిన దుస్థితి ఏర్పడడంపై పలువురు సీనియర్ ఆర్మీ అధికారులు విచారం వ్యక్తం చేశారు.  


ప్రతిష్టాత్మక శౌర్యచక్ర పురస్కారం అందుకున్న 39 ఏళ్ల కల్నల్ నవజోత్ సింగ్ బాల్ ఆర్మీలో చేసిన సేవలకు మంచి గుర్తింపు ఉంది.ఎలైల్ 2 పారా యూనిట్ కమాండెంట్‌గా పని చేశారు. అయితే, క్యాన్సర్ తో  బాధపడుతున్న ఆయన బెంగళూరులోని ఓ ఆసుపత్రిలో శుక్రవారం తుది శ్వాస విడిచారు. అంతకుముందు రోజు ఆయన ఆసుపత్రి బెడ్‌పై నవ్వుతూ ఓ సెల్ఫీ తీసుకున్నారు.


బాల్ చనిపోయే సమయంలో ఆయన తల్లిదండ్రులు అమృత్‌సర్ లో ఉన్నారు. లాక్‌డౌన్ నేపథ్యంలో విమానంలో బెంగళూరు వెళ్లేందుకు వాళ్లకు అనుమతి లభించలేదు. దాంతో బాల్ భౌతికకాయాన్ని ఆర్మీ విమానంలో అమృత్‌సర్ తీసుకెళ్లాలని అధికారులు భావించారు. కానీ, బెంగళూరులోనే అంత్యక్రియలు నిర్వహిస్తామని ఆయన తల్లిదండ్రులు నిర్ణయించారు.  ఆర్మీలో పని చేస్తున్న మరో కుమారుడు నవ్‌తేజ్ సింగ్‌తో కలిసి  రోడ్డు మార్గంలో ప్రయాణించారు.


తమ ప్రయాణంలో సాయం చేస్తున్న ఆర్మీ కి ఆ తల్లి దండ్రులు ధన్యవాదాలు తెలిపారు. కాగా లాక్ డౌన్ లో ఉన్న పరిస్థితుల కారణం గానే వారికి సముచిత ఏర్పాట్లు చేయలేదని ఆర్మీ అధికారులు తెలుపుతుండగా ఈ అంశం పై పలు విమర్శలు వెల్లువెత్తుతున్నాయి.

You Might Also Like