మత ప్రచారానికని వచ్చి కరీంనగర్‌ జిల్లాలో కరోనా వ్యాప్తి చేసిన  పది మంది ఇండోనేసియన్లతో పాటు వారికి సహకరించిన మరో ఐదుగురిపై కేసు నమోదు చేసినట్లు వన్‌టౌన్‌ సీఐ విజయ్‌కుమార్‌ తెలిపారు.అయన సోమవారం రాత్రి మీడియా కు తెల్పిన వివాదాల ప్రకారం కరీంనగర్‌ స్పెషల్‌ బ్రాంచి ఇన్‌స్పెక్టర్‌ ఇంద్రసేనారెడ్డి వన్‌టౌన్‌ పోలీసుస్టేషన్‌లో ఇచ్చిన ఫిర్యాదు మేరకు ఇండోనేసియన్లపై కేసు నమోదు చేసి దర్యాప్తు చేస్తున్నట్లు సీఐ తెలిపారు. కరీంనగర్‌కు వచ్చి పోలీసులకు సమాచారం ఇవ్వకపోవడం. టూరిస్ట్ వీసా మీద వచ్చి పర్యాటక కేంద్రాలను సందర్శించకుండా మసీదును సందర్శించడాన్ని పోలీసులు నేరంగా పరిగణిస్తున్నారు. సెక్షన్‌ 420, 269, 270, 188, యాక్ట్ 1897 సెక్షన్ 3 ప్రకారం కేసులు నమోదు చేశారు. మార్చి 14న కరీంనగర్‌కు వచ్చిన ఇండోనేసియన్లు కరోనా వ్యాప్తి నియంత్రణ చర్యలకు విరుద్ధంగా వ్యవహరించి మతపరమైన సమావేశాల్లో పాల్గొనడము తో పాటు  నిర్లక్ష్యంగా వ్యవహరించి ఇతరులకు కూడా కరోనా వ్యాధి సోకేల చేసినట్లు అభియోగం పై కేసులు నమోదు చేశారు.కరీంనగర్‌ జిల్లాలో కరోనా వ్యాప్తి పై ఇదే మొదటి కేసు  కావడం గమనార్హం.

You Might Also Like