నిజామాబాద్‌ జిల్లాలో కరోనా వైరస్ సోకినా వారి సంఖ్య రోజు రోజు కు పెరుగుతుంది.జిల్లా లో మరో 10 మందికి కరోనా పాజిటివ్‌గాతేలడం తో జిల్లా ప్రజల్లో ఆందోళన వ్యక్తమవుతోంది.దీంతో జిల్లాలో మొత్తంగా నమోదైన కేసుల సంఖ్యఇప్పటి వరకు  39కి చేరింది.కరోనాపై నిజామాబాద్ కలెక్టరేట్‌లో మంగళవారం అధికారులతో జరిగిన సమీక్షసమావేశం లో ఈ  విషయాన్ని మంత్రి వేముల ప్రశాంత్‌రెడ్డి స్వయంగా వెల్లడించారు.ఇందులో నిజామాబాద్‌ నగరంలో 21 కేసులు, ఇతర ప్రాంతాల్లో 18 పాజిటివ్‌ కేసులు నమోదైనట్లు మంత్రి తెలిపారు. అయితే ఉపాధికోసం వెళ్లి విదేశాల నుంచి జిల్లాకు వచ్చిన 3,800 మందిలో ఏ ఒక్కరికి కూడా కరోనా సోకలేదని మంత్రి స్పష్టం చేశారు.

కేవలం దిల్లీ మర్కజ్‌ తబ్లిగ్ సమావేశాలకు వెళ్లొచ్చిన వారిలోనే కరోనా పాజిటివ్‌ నిర్ధారణ అయిందని చెప్పారు. జిల్లాలో ఇంకా 109 నమూనాల నివేదికలు రావాల్సి ఉందన్నారు. ఇప్పటివరకు నమోదైన కేసుల ఆధారంగా కరోనా ఉన్న ప్రాంతాలను కంటైన్మెంట్‌ జోన్లుగా తీసుకుని చర్యలు చేపడుతున్నామని. ఇప్పటివరకు జిల్లాలో 4 కంటైన్మెంట్‌ జోన్లు ఏర్పాటు చేసినట్లు మంత్రి వెల్లడించారు. రెండు రోజులకు ఒకసారి ప్రతి ఇంటిని సర్వే చేసేలా అధికారులను ఆదేశించినట్లు మంత్రి వేముల వెల్లడించారు.ఈ సమావేశం లో కలెక్టరు నారాయణ రెడ్డి తదితర అధికారులు ఉన్నారు.

You Might Also Like