వడ్డీ సొమ్ములు ఆర్జనగా బతుకుతున్న ఓ వడ్డీ వ్యాపారి తెలంగాణలోని భద్రాద్రి కొత్తగూడెం జిల్లాలో దారుణానికి తెగబడ్డాడు.వడ్డీ డబ్బులు చెల్లించదము లేదన్న కారణంతో బాధితుడి భార్యను ఇంట్లోంచి కొడుతూ ఎత్తుకెళ్లి నిర్బంధించాడు. పోలీసుల కథనం ప్రకారం.. జిల్లాలోని టేకులపల్లి మండలం సులానగర్‌కు చెందిన అజ్మీరా హట్యా అదే గ్రామానికి చెందిన బానోత్ హన్మా అనే వడ్డీ వ్యాపారి వద్ద రూ. 2 లక్షలు అప్పుగా తీసుకున్నాడు. తీసుకున్న మొత్తంలో ఇటీవల రూ.1.50 లక్షలు చెల్లించాడు.


ఇంకొంత మొత్తం ఇవ్వాల్సి ఉండగా కరోనా నేపథ్యంలో లాక్‌డౌన్ విధించడంతో మిగతా అసలు, వడ్డీని హట్యా చెల్లించలేకపోయాడు. పరిస్థితి వివరించి త్వరలోనే చెల్లిస్తానని, కొంత గడువు కావాలని హన్మాను కోరాడు. అందుకు అంగీకరించని వ్యాపారి డబ్బులు ఇవ్వాల్సిందేనని పట్టుబట్టాడు. బుధవారం బాధితుడి ఇంటికి వెళ్లి డబ్బుల కోసం ఒత్తిడి చేశాడు.


తానూ ఎక్కడికి వెళ్లడం లేదని లాక్ సౌం ఎత్తివేయగానే అసలు వడ్డీ ఇస్తానని చెప్పగా ఆగ్రహించిన  హన్మా బాధితుడిపై దాడికి చేయడంతో అతడి భార్య అడ్డుకునేందుకు ప్రయత్నించగా, ఆమెపైనా దాడికి దిగాడు. తనను తిడుతుందని కోపం తోఆమెను ఇంట్లోంచి బయటకు లాక్కొచ్చి ఆమెపైనా దాడిచేశాడు. అనంతరం బాధితురాలిని తన ఇంటికి లాక్కెళ్లి నిర్బంధించాడు. దీంతో బాధితుడు నేరుగా టేకులపల్లి పోలీస్ స్టేషన్‌కు వెళ్లి  ఫిర్యాదు చేశాడు. కేసు నమోదు చేసుకున్న పోలీసులు దర్యాప్తు చేస్తున్నారు.

You Might Also Like