పెద్దపల్లి జిల్లాలోని గోదావరి ఖనిలో విధుల్లోకి వెళ్లిన సింగరేణి కార్మికుడు గనిలోనే గల్లంతయ్యాడు. 11 ఇంక్లైన్ బొగ్గుగనిలోని నాలుగవ సీమ్, 1 డిప్ వద్ద మోటార్ రన్ చేయడానికి వెళ్లిన సంజీవ్ అనే కార్మికుడు మళ్లీ తిరిగి రాకపోవడం తో గుర్తించిన సిబ్బంది అధికారులకు అసమాచారమిచ్చారు.దీనితో అధికారులు సిబ్బంది కలిసి సంజీవ్ కోసం తీవ్రంగా గాలించారు. మంగళవారం రాత్రి జీఎంతో సహా అధికారులంతా కలిసి గనిలో వెతికారు. అయినప్పటికీ అతని ఆచూకీ లభించలేదు. అయితే గని లోపల సంప్‌లో పడినట్లు అనుమానం వ్యక్తం చేస్తున్నారు. ఈ ఉదయం  రంగంలోకి దిగిన రెస్క్యూ సిబ్బంది గాలింపు చర్యలు చేపట్టింది.

You Might Also Like