సోషల్ మీడియా పై నిప్పులు చెరుగుతున్న ముఖ్య మంత్రి కెసిఆర్ దానిలో వస్తున్నా అసత్య ప్రచారాలపై ప్రచారం చేస్తున్న వారి పై కఠినం గా ఉండబోతున్నారు.ఇందు కోసం ప్రభుత్వ యంత్రాంగం రంగం లోకి  దిగింది .కరోనా వైరస్ విషయంలో అసత్య ప్రచారాలను సోషల్ మీడియాలో నియంత్రించేందుకు  తెలంగాణ ప్రభుత్వం తీసుకుంటున్న చర్యలు సత్ ఫలితాన్ని ఇస్తున్నాయి. అసత్య ప్రచారంతో ప్రజలను భయభ్రాంతులకు గురిచేస్తున్న వారిపై చర్యలకు ఉపక్రమించింది. ఇందులో భాగంగా ఇప్పటి వరకు 25 మందిని పోలీసులు అరెస్ట్ చేశారు. 


ఇక, ఫేక్‌న్యూస్‌పై గత వారం రోజుల్లో 200 వరకు ఫిర్యాదులు అందినట్టు ఐటీశాఖ డిజిటల్ మీడియా డైరెక్టర్ దిలీప్ తెలిపారు. ప్రతి క్షణం 300 మందికిపైగా వెబ్‌సైట్‌ను సందర్శిస్తున్నారని ఆయన పేర్కొన్నారు. అలాగే, వైద్యులు, పోలీసులు, అధికారుల పేరిట తప్పుడు సమాచారాన్ని ప్రచారం చేస్తున్న 25 మందిని పోలీసులు అరెస్ట్ చేశారు.


ఫేక్ న్యూస్‌ను వైరల్ చేయడంలో కొందరు అత్యంత తెలివిగా వ్యవహరిస్తున్నారు. పాత వీడియోలు, ఫొటోలను ఎడిట్ చేసి తమకు అనుకూలంగా మార్చుకుని సోషల్ మీడియాలో వదులుతున్నారు. దీనిని గుర్తించి ఎవరైనా ఫిర్యాదు చేస్తే నిజనిర్ధారణకు ఆరుగంటలకు పైగా సమయం పడుతోంది. అప్పటికే జరగాల్సిన నష్టం జరిగిపోతోంది.అందుకే మరింత టెక్నాలజీ ని ఉపయోగించుకుని వీటిని అడ్డుకుంటామని అయన తెలిపారు

You Might Also Like